Интернационализација како континуиран процес кој не се учи, туку се осознава. Процес во кој се вкусува храна, се восприема музика, се танцува во ритамот на традицијата, се љуби во духот на емпатија, соживот, меѓусебно разбирање. Интернационализација преку наставни и воннаставни активности е наш патоказ кон образование без граници.
,, Кажи и поздрави "
Активноста „Кажи и поздрави“ ја поттикнува интеркултурната свесност така што децата учат како луѓето од различни земји и култури се поздравуваат и комуницираат. Преку запознавање со различни јазици и гестови, учениците развиваат почит кон различностите и разбирање на интернационалната поврзаност меѓу луѓето. На овој начин, активноста придонесува кон интернационализација на наставата преку учење за светот надвор од сопствената култура.
„Мапа на игри“
Во оваа интерактивна активност, учениците ги истражуваат традиционални детски игри од различни народи во светот. Преку групна работа, цртежи и практична демонстрација на игрите, децата учат за културните сличности и разлики. Активноста поттикна соработка, меѓукултурна свест и учење преку игра.
,, Патуваме во Италија - Benevenuti pella pizza Italiana "
Активноста „Патуваме во Италија – Benvenuti nella pizza italiana“ беше насочена кон запознавање на учениците со италијанското знаме, неговите бои и нивното значење. Преку приказната за настанувањето на пицата Маргарита во Неапол, направена во чест на Кралицата Маргарита, учениците научија како храната е поврзана со историјата и културата на една земја. Активноста комбинираше учење, раскажување и културно запознавање, при што учениците стекнаа нови знаења на интересен и интерактивен начин.
Реализатор : Одделенски наставник Виолета Микулец и учениците од III б одделение
Секција ,, Патуваме и го истражуваме светот "
Заеднички активности - секција „Кре ативно патување“ во второ одделение
Денес нашите ученици имаа прекрасно и инспиративно „патување“ – овој пат во Лондон!
Во соработка со наставничката по англиски јазик Мартина Авросиевска организиравме заеднички час на тема „Чај во пет“. Учениците имаа можност да се запознаат со британската традиција на попладневен чај, да научат нови зборови и изрази на англиски јазик, како и да уживаат во креативни активности поврзани со културата и обичаите на Велика Британија.
Преку игра, разговор и креативност, го споивме учењето со дружењето – вистинско мало патување низ светот без да ја напуштиме училницата!
